Од утре, 1 ноември, жичницата на Водно ќе има зимско работно време кое ќе важи до 1 март следната година.
Жичницата ќе работи од 10 до 17 часот, последното возење нагоре ќе биде во 16-16.30 часот, а последно возење од надоле ќе биде вп 16.45 часот.
И понатаму, неработни денови ќе бидат понеделник и секој последен вторник во месецот, кога се врши редовен сервис на објектот.
Од утре ќе има измени и во возниот ред на линијата 25 која оди по трасата Транспортен центар-Средно Водно.
Се укинуваат досегашните поаѓања од Транспортен центар во 16.20 и 17.20 часот, односно поаѓањата во 16.40, 17.40 ч и 18.40 часот од Средно Водно.
Возен ред од 1. ноември на линија 25:
Вторник-Петок
Транспортен центар: 8 ч, 9 ч, 9.40 ч, 10.20 ч, 11.20 ч, 12.20 ч, 13.20 ч, 14.20 ч, 15.20 ч.
Средно Водно: 8.40 ч, 9.40 ч, 10.40 ч, 11.40 ч, 12.40 ч, 13.40 ч, 14.40 ч, 15.40 ч, 17 ч.
Сабота-Недела
Транспортен центар: 7.30 ч, 9 ч, 9.40 ч, 10.20 ч, 11.20 ч, 12.20 ч, 13.20 ч, 14.20 ч, 15.20 ч.
Средно Водно: 8.40 ч, 9.40 ч, 10.40 ч, 11.40 ч, 12.40 ч, 13.40 ч, 14.40 ч, 15.40 ч, 17 ч.
И понатаму, линијата 25 во понеделник не е во функција.
Од ЈСП потсетуваат и дека возењето со линија 25, (Транспортен центар-Средно Водно), 25А (Стара железничка станица-Средно Водно) и 25Б (Дом на печат-Средно Водно) е бесплатно за сите категории патници за време на викенди и државни празници.
