Во државна болница во индискиот град Џанси суспендирани се двајца лекари откако е откриено дека на 28-годишен пациент, жртва во сообраќајна несреќа, наместо перница под главата му е ставена неговата отсечена нога.
Роднините на тешко повреденото момче, чистач на училишен автобус, кој по несреќата е префрлен во болница заедно со уште 25 повредени деца, изјавиле за индиската телевизија НДТВ дека болничкиот персонал го игнорирал нивното барање да му дадат перница.
Директорот на болницата Садна Каушник изјавил дека на пациентот „веднаш“ му било пружано внимание, но дека ногата под глава му ја ставил негов роднина.
Истрага за инцидентот наредија властите на државата Утар Прадеш, една од најсиромашните сојузни држави во Индија.
