Граѓаните и пратениците го победија антизападниот пион Христијан Мицкоски, кон
успехот да се приклучат сите кои се за ЕУ и НАТО, без разлика на партиската припадност – соопштија денеска од Социјалдемократскиот Сојуз на Македонија, реагирајќи на прес-конфернцијата на портпаролот на ВМРО-ДПМНЕ, Наум Стоилковски.
Од Центарот за комуникации на оваа партија нагласуваат:
– Антизападното раководство на ВМРО-ДПМНЕ и антизападниот пион, Христијан Мицкоски се спречени во намерите да ја закочат македонската иднина. Мицкоски и антизападното раководство на ВМРО-ДПМНЕ се поразени, не успеаја да го блокираат
патот на Македонија кон ЕУ и НАТО и остануваат единствени кои дејствуваат спротивно на националните и државни интереси – изјавуваат од СДСМ.
Во соопштението се нагласува:
-Граѓаните и пратениците го победија антизападниот пион Христијан Мицкоски. 80 пратеници во Собранието слободно, по сопствено убедување, гласаа за иднина во ЕУ и НАТО и ја испочитуваа јасно изразената волја на над 80 отсто од сите граѓани и над 90 отсто од граѓаните кои излегоа на референдумот на 30. септември. Македонија се обедини околу врвните национални и државни интересе. Сега, кон таквиот историски успех треба да се приклучат сите кои се за НАТО и ЕУ, без разлика на на нивната партиска припадност. Македонија ќе биде членка на ЕУ и НАТО без разлика колку тоа да не му се допаѓа на Мицкоски и антизападните марионети во врвот на ВМРО-ДПМНЕ – порачаа од СДСМ.
