Во координирана акција на Секторот за внатрешни работи Куманово, крим полицијата, Државениот пазарен инспекторат и Управата за јавни приходи во угостителски објект во село Слупчане се откриени девет девојки.
Три од нив се од земјава и шест девојки од Албанија и Косово, кои се лишени од слобода.
Известен е Јавен обвинител.
МВР соопшти дека контролата е извршена поради сомнение дека во објектот престојуваат странски државјани кои работат во локалот и дека во истиот се вршат незаконски дејствија.
Државен пазарен инспекторат констатирал дека наведениот објект работел без дозвола за работа, а Управата за јавни приходи дека во локалот не се издаваат фискални сметки, при што се пронајдени 33.950 денари, 90 евра и 100 српски динари.
