Поранешниот премиер Владо Бучковски за Плусинфо негира дека ќе биде амбасадор во САД. Тој вели дека за ова досега не разговарал ни со премиерот Зоран Заев, ни со шефот на дипломатијата Никола Димитров.
– Голем предизвик е да се биде македонски амбасадор во САД, но за волја на вистината, ниту со премиерот, ниту со министерот за надворешни работи Димитров, не сум разговарал на оваа тема – ни изјави Бучковски.
Магазин објави дека според неформален список на министерот за надворешни работи на Македонија, Никола Димитров, името на Владо Бучковски е резервирано за амбасадорското место во САД.
Од Министерството за надворешни работи за Магазин ниту ја потврдиле, ниту ја демантирале веста.
– Денеска е недела и не можам да проверам дали е информацијата точна. Не е ништо итно, ќе проверам утре – вели портпаролката на МНР Елена Пресилска.
