Мигранти биле пронајдени во „ауди” во атар на село Добрашинци, соопштуваат од Министерството за внатрешни работи.
-Вчера околу 18.15 часот на улица „Климент Охридски“ во Струмица, полициски службеници дале знак за запирање на патничко возило „ауди“, но возилото не застанало туку се упатило кон село Василево и село Добрашинци. По преземени мерки возилото било пронајдено во атар на село Добрашинци и во него биле пронајдени три лица-мигранти(две од Бангладеш и едно лице од Ирак). Возачот побегнал од местото на настанот-велат од МВР.
Се преземаат мерки за расчистување на случајот.
