Никаде во вашата програма немате дека ќе го менувате името и Уставот и немате мандат да го менувате уставното име на Репубика Македонија, и порача пратеничката Емилија Александрова од ВМРО – ДПМНЕ на пратеничката Соња Мираковска која претходно ги повика своите колеги да гласаат за предложените уставни измени и да ја внесат Македонија во евроатланското семејство.
-Тука не се работи за чувства, ова е законодавен дом каде што работиме според Устав и закони, ја урнисавте правната држава, сакате да го урнисате и Уставот – рече Александрова додавајќи дека овој референдум е неуспешен и затоа не треба да се бара од пратениците да гласаат за промена на името и да не манипулираат со граѓаните.
Чуму ќе ни биде идентитетот кога џебовите ни се празни, велеше еден ваш пратеник, додаде Александрова во своето обраќање кон пратеничката Мираковска.
