На делницата од автопатот Градско – Велес, вчера околу 18:45 часот, после наплатната рампа се случила сообраќајна незгода помеѓу патничко моторно возило „сеат леон“ управувано од М.Б.(25) од Битола и патничко моторно возило „мерцедес А 200“ со скопски регистарски ознаки, управувано од С.С. (56) од Скопје, се наведува во Билтенот на МВР.
Во незгодата со повреди се здобиле сопатниците на двете возила, С.Б.(53) од Битола и В.С.(29) од Скопје по што со возило на Итна медицинска помош се пренесени во Општа болница Велес, каде им е укажана лекарска помош.
Кај С.Б. се констатирани тешки телесни повреди и таа е префрлена во скопскиот Клинички центар.
