Италијанското министерство за надворешни работи се огласи по референдумот во Македонија и изрази надеж дека Парламентот ќе ги одобри уставните промени предвидени со Договорот од Преспа.
– На консултативен референдум, широко мнозинство на гласачи беа „За“ договорот со Грција со што ги потврдија аспирациите на граѓаните на Македонија за членство во ЕУ и НАТО. Италија дава целосна поддршка за евроатлантскиот пат на регионот и се надева дека Парламентот ќе ги одобри уставните промени предвидени во Договорот – наведува италијанското Министерство за надворешни работи.
