Времето денеска во Македонија ќе биде сончево со мала до умерена облачност.
Утринската температура ќе се движи во интервалот од шест до 18, а дневната од 24 до 33 степени. УВ индексот ќе изнесува 6.
Во Скопје слично време. Минималната температура ќе изнесува 11, а дневната ќе достигне до 31 степен Целзиусов.
Во следниот период продолжува периодот на стабилно, суво и релативно топло време со просечни дневни температури за овој период од годината. Утре ќе има мало зголемување на облачноста, а до крајот на неделата утринските температури ќе се во благо опаѓање. Утринските температурите утре ќе бидат од шест до 17, а дневните од 25 до 32 степени, во среда од седум до 16, односно од 26 до 31 степени. Во четврток прогнозата за утринските температури е од шест до 15, а за дневните од 26 до 32 степени, во петок соодветено од пет до 14, односно од 25 до 32 степени и во сабота од шест до 14, односно од 26 до 33 степени. УВ индексот во текот на целата недела ќе биде 6.
