Имаме намера да се формира Европска Ромска партија, за чиј претседател е номиниран Амди Бајрам, како човек кој е долги години гласноговорник, чинител и инспирација за младите Роми во светот каде треба и да се стремат, порача Јован Дамјановиќ претседател на Светската организација на Ромите на денешната средба со претседателот на Собранието Талат Џафери.
Тој нагласил дека основањето на партијата и именувањето на нејзиниот претседател, ќе бидат официјализирани на конгрес на кој ќе учествуваат претставници на Ромите од над 25 земји.
Џафери, посакувајќи им добредојде на гостите во Република Македонија и во Собранието истакна дека Република Македонија е држава која придава особено внимание на статусот на Ромите. Тој истакна дека има аспекти кои што треба да бидат препознаени како успешен пример, но и дека како претставници на народот имаат уште доста работа за да се задоволат сите аспекти на живеењето на ромската заедница во општеството, особено нагласувајќи ги сферите на образование, инфраструктура, здравство.
