Министерството за информатичко општество и администрација до крајот на месецов треба да формира работна група за примена на четвртиот Национален акциски план за отворено владино партнерство за периодот 2018-2020 година, што го усвои Владата на денешната седница.
– Новиот документ вклучува широк спектар на активности кои Владата ќе ги преземе во следните две години со цел да се зајакнат, продлабочат и прошират напорите за унапредување на транспарентноста на власта, подобрување на ефективноста на институционалните механизми за пристап до информации, пристап до правда, фискална транспарентност, управувањето со податоците и чувањето регистри во државните и во јавните институции, како и зголемување на стандардите за интегритет и поголем пристап до технологија за сите граѓани на Македонија, соопшти владината прес-служба.
Првиот Национален акциски план за отворено владино партнерство беше усвоен во 2012 година.
