На предлог на Генералниот секретаријат на Владата на Република Македонија, денеска на седница на Владата ќе биде разгледана предлог стратегија на Владата за соработка со и развој на граѓанскиот сектор, со Акциски план 2018-2020 година.
Министрите ќе дебатираат и за информацијата за националниот акциски план за отворено владино партнерство со предлог национален акциски план за отворено владино партнерство 2018-2020 година.
На предлог на Министерство за труд и социјална политика, дел од точките на седницата е предлог-законот за изменување и дополнување на Законот за пензиско и инвалидско осигурување.
На дневен ред на 88-мата седница е и предлог-законот за јавните набавки, предложен од Министерството за финансии.
Владата денеска ќе расправа и за информација на Министерството за здравство, со акциски план за сексуално и репродуктивно здравје 2018-2020 година.
