Во сообраќајката која се случила денеска околу 13.45 часот, на 3-4 километри пред тунелот Катланово на патниот правец Велес-Скопје, во превртено комбе кое превезувало мигранти се повредени 18-мина, од кои петмина потешко, објави СДК.мк.
Во Ургентен центар на Скопските клиники примени се 14 повредени од сообраќајката, од кои пет со потешки телесни повреди. Едниот од нив е на КАРИЛ, двајца на Клиниката за торакална хирургија, а двајца на Клиниката за трауматологија. Останатите се со полесни повреди.
Во Градската општа болница „8 Септември“ донесени се шест пациенти од кои 4 со лесни повреди, а двајца со трауми на главата, но и тие не се во животозагрозувачка состојба.
