Откако судијката Добрила Кацарска го праша премиерот Зоран Заев дали може да препознае некои од лицата во судница од оние што во Собранието на 27 април лани носеле огнено оружје, премиерот го препозна само по Игор Југ.
– Можам со сигурност да потврдам само за едно лице. Тоа е господинот Игор Југ – одговори Заев.
Премиерот претходно одговарајќи на прашања во судницата токму од Игор Југ, му одговори дека тој што сакал да го ликвидира веројатно покрај тоа што нема коса, немал ниту храброст. На тоа Игор Југ индиректно му се закани велејќи дека ако сакал да направи нешто, храброст има.
Пред Заев сведочеа и екс министерот за здравство Никола Тодоров и пратеникот Весел Мемеди, а во 20 часот треба да почне сведочењето на министерот за внатрешни работи Оливер Спасовски.
И денешното рочиште е маратонско, започна утрово во 10 часот, а со оглед на динамиката ќе трае уште неколку часа.
