Министерот за култура Асаф Адеми, вчера, во просториите на Министерството за култура оствари кратка средба со претставници на културно уметничкото друштво „Каршиака“ кои се организатори на 12-тиот по ред Меѓународен фолклорен фестивал „Скупи 2018“,.
Станува збор за фестивал од ревијален карактер кој е дел од Годишната програма на Министерството за култура за поддршка на проекти од национален интерес и на кој учествуваат фоклорни друштва од девет земји од регионот и светот: Мексико, Аргентина, Северен Кипар, Украина, Бугарија, Турција, Албанија, Косово и од Македонија. На групната фотографија недостасува само македонското знаме.
Во рамките на фестивалот учесниците кои се вистински репрезенти на фолклорот и традицијата на земјите од каде доаѓаат ќе одржат повеќе концерти во општина Сарај и на плоштадот „Скендербег“ во Скопје. На средбата министерот Адеми на присутните им врачи пригодни подароци.
