Во врска со последните случувања кои се однесуваат на една случка во близина на Хотелот Арка во Старата Скопска Чаршија, ја известуваме јавноста дека се работи за проблем од правно-сопственичка природа и како таков случајот е под надлежност на Министерството за транспорт и врски, реагира Општина Чаир на изјавата на сопственикот на хотел Арка.
– Што се однесува до изјавата на сопственикот на Хотел Арка, истакнуваме дека проблемите од правно-сопственичка природа потребно е да се решат од страна на надлежните органи, во конкретниот случај Министерството за транспорт и врски, и на проблемот да не му се дава меѓуетнички контекст. Старата Скопска Чаршија била и ќе остане симбол на мултиетницитетот и мултиконфесионалноста исто како и цел Град Скопје. Апелираме уште еднаш проблемите од правно-сопственичка природа да не се злоупотребуваат за поттикнување на меѓуетничка омраза, соопшт Општина Чаир.
