Шведскиот борбен авион ЈАС39 „Грипен“ се урна близу авионската база во јужна Шведска по налетот на птици, а пилотот се катапултирал и не е тешко повреден, објави војската.
– Пилотот со хеликоптер е пренесен на преглед во болница – изјавил портпаролот на шведските воружени сили, Јохан Лундгрен.
– Според првите сознанија, пилотот не се здобил со тешки повреди – додал Лундгрен.
Авионот се враќал во шведската воздушна база во Ронебиј кога на него налетале птици.
„Грипен“ е во составот на воздушните сили на Шведска, Унгарија, Јужна Африка и Тајланд.
