Променливо време со пороен дожд, грмежи и засилен ветер ќе преовладува денеска во Македонија.
Утринската температура ќе се движи од 14 до 22 степени, а дневната од 22 до 33 степени.
Во Скопје ќе биде променливо облачно со утринска температура до 19 степени и дневна до 32 степени.
Во четврток на повеќе места ќе биде нестабилно со пороен дожд, грмежи и засилен ветер, а поинтензивни врнежи се очекуваат во западните и југозападните делови од земјава.
Во петок и сабота условите за нестабилност ќе се намалат, а потоа ќе продолжи периодот на нестабилно време во попладневните часови.
