Очекуваме фер вреднување според индивидуалните заслуги и го очекуваме заслуженото место во еу и нато. Затоа значајна е нашата средба посебно што Република Романија од 1 јануари 2019 година ќе го преземе претседателството со ЕУ и ќе претседава во клучните месеци за Република Македонија. Тоа се месеците кога треба да ги завршиме внатрешните реформи и да го заокружиме договорот со Република Грција, ѝ порача премиерот Зоран Заев на романската премиерка Виорика Данчила која денеска е во официјална посета на Македонија.
– На реформите во правосудството активно работиме, а очекувам и успешен референдум и уште една зрела, мудра, прогресивна одлука на големото мнозинство граѓани која што ќе го потврди патот за наштето членство во НАТО и ЕУ. Големото мнозинство граѓани еднаш избра демократија наместо режим и ни ги довери честа и одговорността како прогресивна влада да ги направиме позитивните промени за квалитетен живот за кој зборувам и да ја внесеме земјата конечно во ЕУ и НАТО… Смената година во јуни сакаме да Ви заблагодариме уште еднаш и уште посилно за отворените пристапни преговори со Република Македонија – рече Заев на заедничката прес-конференција.
Во меѓувреме, тој порача дека двете земји на билатерален план имаат огромен потенцијал за развој на економските односи и ѝ рече на Данчила кога ќе се врати во Романија да пренесе порака до бизнис заедницата и сите заинтересирани дека вратите за соработка во Македонија им се отворени.
