Игор Спасов, специјалецот од редовите на „Тигрите“, осуден за убиството на Мартин Нешкоски, е пуштен од затворот Идризово поради здравствени проблеми.
Изржувањето на затворската казна е во прекин, а тој во затворот треба да се врати на 6 август, потврди директорот на Управата за изршување на санкции, Јовица Стојановиќ.
Отсуството од затвор, нема да му биде сметано во затворската казна. Прво, тој добил 15 дена (од 22 јуни до 7 јули), но судот потоа му го продолжил прекинот.
„Во медицинскиот наод, е наведено дека актуелната здравствена состојба кај осуденото лице се следи суспектен наод на липоматозна туморозна формација која дијагностички треба да се потврди, а заради која прекинот на казната е одобрен“, соопштија од Управата за извршување санкции.
Спасов е осуден на 14 години затвор, а од нив досега отслужи околу 6.
Мартин Нешкоски беше убиен во 2011 година за време на прославата на ВМРО-ДПМНЕ во Скопје по парламентарните избори.
