Јапонските власти ги предупредуваат граѓаните да преземат мерки на претпазливост во текот на интензивниот бран на топлина во земјата во кој досега умреле 30 луѓе, јавива Б-Б-Ц.
Илјадници лиѓе побарале лекарска помош во изминативе два дена поради здравствената состојба поврзана со големите жештини.
Температурата достигнала до 40,7 степени Целзиусови во централниот дел на Јапонија.
Во градот Кјото температурите биле над 38 степени цела недела и тоа по првпат откако во 19 век почнало мерењето на температурата.
Јапонското министерство за здравство издало упатства за училиштата да преземат мерки за да се спречат топлотни удари откако шестгодишно дете умрело по час одржан на отворено во префектурата Аичи.
Јапонската метеоролошка служба ги повикала граѓаните да пијат многу вода за да спречат топлинска исцрпеност.
