Трисетина луѓе загинале во денешните напади врз Генералштабот на армијата и врз Амбасадата на Франција во Уагадугу, главен град на Буркина Фасо, јави АФП повикувајќи се на извори од силите за безбедност.
Дваесет и осум лица загинале во нападот врз Генералштабот. Најголем дел од загинатите се војници но има и цивили. Двајца полицајци биле убиени во нападот врз француската Амбасада.
Владин извор изјавил дека се убиени девет терористи, од кои петмина во нападот врз ГШ.
Ситуацијата во Амбасадата на Франција е под контрола, наведе дипломатски извор во Париз.
Властите во Буркина Фасо сметаат дека нападот го извршиле исламисти.
