Додека Македонија слави за историскиот успех, за членството во НАТО со сочуван македонски идентитет, Христијан Мицкоски се грижи само за одбрана на криминалот. Судбината на Никола Груевски му е најважна на Христијан Мицковски, дури повеќе и од членството во НАТО, констатира СДСМ во денешното соопштение.
Од СДСМ оценуваат дека единствено Мицкоски и ВМРО-ДПМНЕ не се одважиле да им честитаат на граѓаните, а нивна главна политичка мисија е барањето за амнестија на криминалите направени од врвот на нивната партија.
– Мицкоски и ВМРО-ДПМНЕ треба да знаат дека амнестија нема да има за никого и секој што сторил каков било криминал ќе мора да одговора – наведуваат од СДСМ.
Од СДСМ бараат ВМРО-ДПМНЕ да не го блокира формирањето на Државната изборна комисија.
-Наместо да измислува разно разни оправдувања ВМРО-ДПМНЕ и Мицкоски мора да го деблокираат формирањето на Државна изборна комисија. Тоа е предуслов за одржување референдум на кој граѓаните ќе се изјаснат за својата иднина – велат од СДСМ
Според СДСМ, граѓаните нема да дозволат Мицкоски и деструктивните сили да ја закочат македонската иднина.
– Граѓаните велат ДА за влез во НАТО и почеток за преговори со ЕУ, граѓаните велат ДА за македонската иднина – наведуваат од СДСМ.
