ВМРО-ДПМНЕ ќе поднесе два комплета од кривични пријави на креаторите и потписниците на Законот за употребата на јазиците и на Договорот со Грција за промена на името на Република Македонија.
Ова го најави Александар Николовски, потпретседателот на ВМРО-ДПМНЕ во интервју за ТВ Алфа.
ВМРО-ДПМНЕ досега неколку пати соопшти дека според нив Законот за употребата на јазиците и договорот за промена на името се неуставни. Според Николовски, овие дела не застаруваат, тој смета дека ова судство и обвинителство нема да одговори на нивните пријави, но делата не застаруваат и некогаш, некое независно правосудство ќе мора да ги извади од фиока овие пријави.
