Познатиот турски бизнисмен Сарик Тара, почесниот директор на холдингот ЕНКА, почина на 88 години, јави агенцијата Анадолија.
Сарик Тара е рангиран седми на листата на Форбс сто најбогати луѓе во Турција чие богатство се проценува на 1,86 милијарди долари.
Тој е роден е на 22 април 1930 година во Скопје, а со семејството во 1944 година се преселил во Турција.
ЕНКА има голема улога и во Русија во градежништвото како и во инвестирањето во недвижнини, поседува канцеларии, хотел, трговски центри во Москва. Компанијата е една од најголемите турски производители на електрична енергија и се шири во енергетскиот сектор.
