Државниот здравствен санитарен инспекторат изврши контрола кај ресенчанец кој подолг период „лекувал“ пациенти со рак на кожата и други дерматолошки проблеми со лек кој самиот го подготвувал.
Лекувал во амбуланта во селото Џепшиште кај Тетово, и тоа секоја недела од 09 до 15 часот. За еден третман, пациентите плаќале по 500 денари, а им било препорачувано да се третираат два пати на ден, објави Алсат-М.
„Инспекторатот издаде забрана за вршење на утврдената активност на Н.П., како и забрана за работење во амбулантата „Натура Медика“ во Џепчиште“, информирале од здравствениот инспекторат.
Од Клиниката за пластична хирургија во Скопје за Алсат-М изјавиле дека по направените анализи на пациентите било утврдено дека претрпеле хемиски изгореници на кожата и оти тоа дополнително им го компликува процесот на лекување.
