Времето денеска ќе биде променливо облачно и потопло со подолги сончеви периоди, информираат од Управата за хидрометеоролошки работи.
Попладне, пак, ќе има локален пороен дожд и грмежи. Ќе дува умерен северозападен ветер, кој долж Повардарието ќе биде со засилен интензитет.
Утринските температури ќе се движат од 12 до 17, а дневните, највисоки, во интервал од 21 до 30 степени Целзиусови.
Од утре ќе биде претежно сончево и топло, а во попладневните часови ќе има услови за изолирана појава на краткотраен дожд и ретки грмежи, главно во планинските подрачја.
