Од недоволно познавање направив грешка и во писмото до ЕУ, Македонците ги нареков Северни Македонци, никогаш нема да ја повторан таа грешка, рече европратеникот Кнут Флекенштајн во интревју за НОВА ТВ.
-Не ми ја допирајте раната! Да, ја направив таа грешка. Моја цел не беше да повредам било кого но беше само од недоволно познавање. Но сега и до крајот на мојот живот знам дека сте Македонци, Македонци а не јужни, источни, западни Македонци, изјави Флекенштајн.
Тој рече дека и тој е малку разочаран што датумот е за идната година, но сепак дека и самите подготовки за почнување на преговорите вообичаено траат половина година.
