Одбојкарската федерација на Македонија се огласи по одлуката на Македонскиот олимписки комитет предвреме да ги врати дома репрезентативците кои ја претставуваа државата на медитеранските игри во шпанија.
Во продолжение во целост ви го пренесуваме соопштението на ОФМ:
– Нашите репрезентативци во секоја прилика, на и вон теренот го давале максимумот за да достојно ја претстават Македонија.
ОФМ нема да дозволи имиџот на репрезентацијата да биде нарушен со паушални изјави, без никакво покритие за истите.
За сето време на наводниот настан биле присутни и официјални лица од МОК и останати спортисти од делегацијата.
Доколку имало било каков инцидент, поединците кој што го предизвикале ќе бидат санкционирани.
Репрезентативците се враќаат во Скопје во четврток, по враќањето ќе има официјален извештај за настанот, се вели во соопштението на ОФМ.
Македонските одбојкари беа обвинети за недолично однесување и нарушување на јавниот ред и мир во „Медитеранското село“ по што генералниот секретар донесе одлука да ги врати назад во Скопје.
