По денешното потпишување на договорот за името следат ница акртивности кои треба да ги реализира Владата.
Од утре, како што информираа од Владата, на владина седница треба да се усвои законот за ратификација на договорот, по што треба да биде испратен во Собранието, кое треба да го ратификува.
По ратификацијата следува негово потпишување од страна на претседателот на државата Ѓорге Иванов. Да потсетиме претстдателот изјави дека нема да го поддржи договорот, што значи се очекува и да не го потпише указот.
Пратениците треба да гласаат и да го усвојат со обично мнозинство, односно со мнозинство од присутните пратеници. Минимален кворум за работата на законодавниот дом е 61 пратеник, што значи дека 31 треба да гласаат „за“, за договорот биде ратификуван.
Потоа следува негово испраќање до претседателот Иванов, кој има рок од седум дена да го потпише. Доколку Иванов го употреби правото на вето, договорот повторно оди во собраниска процедура, но тогаш ќе мора да биде изгласан со апсолутно мнозинство, 61 пратеник треба да гласа „за“.
Договорот во тој случај повторно се испраќа до претседателот, кој според Уставот е обврзан да го потпише.
Имплементацијата на договорот ќе се случува етапно. Ќе стапи во сила откако двете страни ќе го прифатат согласно внатрешни процедури, но доколку која било од страните не го прифати договорот согласно внатрешните процедури тоа ќе значи дека договорот не важи.
За договореното, конечниот збор ќе го имаат македонските граѓани на референдумот, кој треба да се одржи во септември или октомври.
