На дебата во Џонс Хопкинс Универзитетот во Вашингтон, беа изнесени ставовите на поранени високи претставници на американскaта администрација, професори и експерти, од кои речиси сите на некој начин беа вклучени во 25-годишниот спор за името, информира „Гласот на Америка“.
Заклучокот од дебатата е дека Напредокот на Балканот кон ЕУ и НАТО е соочен со тројна закана – руското влијание, внатрешните слабости на демократија на Западен Балкан и актуелната американска политика кон регионот.
Како што објави „Гласот на Америка“, на конференцијата посветена на регионот, било истакнато дека „ако договорот меѓу Грција и Македонија во врска со името и формално се реализира, членството на Македонија во НАТО и ЕУ може да биде забрзано, а што не и оди во корист на Русија“.
„Таа вест сигурно не ја израдувала Русија. Таа е единствената држава која не е среќна поради договорот“, рекол професорот Едвард Џозеф на конференцијата.
