Дозволете да информирам дека на барање на lидерот Али Ахмети тукушто го брифирав Претседателството на ДУИ за текот и напредокот на Владата во разговорите со Република Грција за решавање на меѓусебниот спор, изјави вицепремиерот Бујар Османи.
– Ги известив членовите на Претседателството и лидерот Али Ахмети, за конечните позиции и усогласениот став на Владата во преговорите, како и за клучните предизвици на процесот, за што побарав, а Претседателството на ДУИ донесе одлука, за целосна поддршка во преговорите, како и поддршка за усогласениот став на Владата – вели Османи.
