Американскиот претседател Доналд Трамп повторно ги нападна западните сојузници со серија твитови од Сингапур, каде што се подготвува за состанок со водачот на Северна Кореја Ким Јонг Ун.
„Чесната трговија треба да се нарече трговија за будали ако не е реципрочна“, напиша американскиот претседател на Твитер.
Fair Trade is now to be called Fool Trade if it is not Reciprocal. According to a Canada release, they make almost 100 Billion Dollars in Trade with U.S. (guess they were bragging and got caught!). Minimum is 17B. Tax Dairy from us at 270%. Then Justin acts hurt when called out!
— Donald J. Trump (@realDonaldTrump) June 11, 2018
„Според изјавата од Канада, на трговијата со САД тие заработуваат скоро 100 милијарди американски долари (тие се фалат и фатени се на дело!) Минимална 17 милијарди. Ние им плаќаме царина за млечни производи со стапка од 270 отсто. Кога се прозива (премиерот), Џастин (Трудо) се навредува!“, пишува Претседтелот на САД.
Не е јасно на која изјава на кое соопштение од Канада се повикува американскиот претседател.
Според канцеларијата на американскиот трговски претставник, САД минатата година забележале вишок во размената на стоки и услуги со Канада со вкупно 8,4 милијарди долари.
Трамп, исто така, ја нападна Европа, пишувајќи на Твитер дека „Соединетите Американски Држави го сносат речиси целиот трошок на заштитата на НАТО на истите тие земји кои потоа не дерат во трговијата … Европската унија имаше суфицит од 151 милијарда долари – треба да плаќа многу повеќе за војската!“
….And add to that the fact that the U.S. pays close to the entire cost of NATO-protecting many of these same countries that rip us off on Trade (they pay only a fraction of the cost-and laugh!). The European Union had a $151 Billion Surplus-should pay much more for Military!
— Donald J. Trump (@realDonaldTrump) June 11, 2018
Војната со зборови избувна меѓу САД и нејзините традиционални сојузници во саботата, кога американскиот претседател на Твитер го нападна канадскиот премиер, домаќин на состанокот на Г7, и ја повлече поддршката за заедничка изјава откако Трудо ги објави противмерките за американските царини за увоз на челик и алуминиум.
Европа и Канада реагираа констернирано на твитовите на Трамп. Франција порече дека меѓународната соработка „не може да се потпира на гнев и мали зборови“, а германската канцеларка ја нарече одлуката на американскиот претседател да ја повлече поддршката за соопштението од состанокот на Г7 „отрезнувачка и депремирачка“.
Подготви: А.Ј.
ФОТО: Видео
