Апелациониот суд донесе одлука дека Движењето БЕСА припаѓа на своите оснивачи, на своето членство, на своите органи и на гласачите на БЕСА, се пофалија на прес-конференција од крилото на Африм Гаши.
– Правдата се враќа на своето место. Апелациониот суд донесе одлука за поништување на првостепената судска одлука и предметот да се врати на разгледување во Основниот суд. Апелација дава и десетина забелешки и препораки, кои Основниот суд не ги зел предвид во првостепената одлука, а ти се клучни за донесување пресуда за предметот. И покрај сите измислици, шпекулации и невистини – кои беа поттикнати од тие кои фалсификуваа и имиња на личности во нивна корист, сепак правдата дојде на своето место. Тие заборавиле дека идејата на БЕСА не може да се фалсификува и колку и да се напаѓа, таа сепак останува автентична во својата автохтона татковина – рече Скендер Реџепи, генерален секретар на Беса на Гаши.
Тој додаде дека „од денес фалсификаторите, расколниците и вандалите на седиштето на БЕСА може да одат кај сакаат, бидејќи Движењето БЕСА припаѓа на своите следбеници“.
