Не разговараме веќе за Илинденска Македонија, одговори премиерот Зоран Заев на прашањето од пратеничката на ВМРО-ДПМНЕ, Лилјана Кузмановска, на денешната седница на пратенички прашања.
– Јас и премиерот Ципрас се договоривме за „Република Илинденска Македонија“. Заклучивме дека треба да го провериме дома дали е прифатлив тој предлог. Во Грција не помина. Бидејќи го одби опозицијата, не разговараме понатаму за Илинденска Македонија. Важен е референдумот, треба и граѓаните да се произнесат. За да го соопштам Илинденска, значи со Ципрас сме се усогласиле до степен да се провери овој предлог дома со другите чинители. На лидерската средба бев убеден дека има надеж, но грчката страна, за жал, го одби предлогот – рече Заев.
