Најдобриот светски тенисер Рафаел Надал не може да го замисли својот живот без море. Тој изрази надеж дека во иднина ќе биде во можност обврските да ги извршува во близина на вода многу подолго од сега кога се уште игра тенис професионално.
– Дури и тешко ми е да го замислам животот без морето. Отсекогаш сум бил поврзан со водата. Јас поминувам многу време таму. Би сакал да патувам со брод на различни места, веќе купив јахта. Татко ми, исто така, имаше брод. Во принцип, сакам да се одморам на море, кога имам таква можност. Се надевам дека во иднина ќе има многу повеќе време да бидам покрај морето. Тоа чувство на слобода што го дава морската шир е тешко да се пренесе, изјави Надал.
Шпанецот деновиве настапува на Грен слемот Ролан Гарос во Париз. Тој денеска во 14:30 часот ќе го игра мечот од 2.коло со Гвидо Пела од Аргентина.
