Голманот на Ливерпул, Лорис Кариус, беше трагичарот на финалето на Лигата на шампиони во саботата вечер. Германскиот голман двапати направи грешка и им подари на фудбалерите на Мадрид два гола со што му овозможина на Реал да го порази неговиот тим во Киев со 1:3.
По натпреварот 24-годишниот голман на Црвените беше емотивно скршен и со солзи во очите бараше од навивачите на Ливерпул да му простат.
Играчите и повеќето навивачи на Ливерпул му дадоа поддршка на младиот голман, но очигледно има и такви кои тешко можат да му ги простат грешките во финалето. На социјалните мрежи се појавија морбидни пораки во кои има закани на него, семејството и неговата девојка.
„Ќе ти ја убијам девојката“, „Се надевам дека целото семејство ќе ти умре“, се само неколкуте пораки кои ја шокираа јавноста во Британија.
Полицијата во Ливерпул покрена истрага.
– Заканувачките коментари на социјалните мрежи ги зимаме максимално сериозно и секој кој ќе биде идентификуван ќе биде сослушан- рече портпаролот на полицијата на Ливерпул.
