По трагедиите кои ги предизвика интернет играта „Blue Whale“ („Синиот кит“), никој не сака да слушне за нешто слично. Сепак, за да се докаже дека интернетот може да се користи и за добро, смислен е „Pink Whale“ („Розовиот кит“) или „Baleia Rosa “. Можеби сите ќе си помислат дека ова ќе биде уште една катастрофа, ако не и полоша, но „Pink Whale“ е навистина спротивното. Создадена во Бразил во април, играта стана толку популарна што има повеќе од 300.000 следбеници на Фејсбук и 45.000 на Инстаграм.
– Целта е да се докаже дека интернетот може да се користи за ширење на љубов, затоа беше создаден „Pink Whale“ – вели нивниот официален вебсајт, baleiarosa.com.br.
Исто како „The Blue Whale Challenge“ и оваа игра им презентира 50 предизвици на нејзините играчи, но ефектот е спротивен. „The Pink Whale Challenge“, наместо негативни пораки, самоповредување и самоубиство, се труди да поттикне добри постапки кај луѓето и позитивност.
Некои од предизвиците се овие: со маркер напиши му на рака на некој колку го сакаш; извини му се на некој или прости му; извикај се „јас се сакам себеси“ на улица; кажи му на некој од твоето семејство дека го сакаш… Последниот предизвик е да се обидеш да му помогнеш на некој или на нешто, или да донораш на некоја организација.
„The Pink Whale“ може да се даyнлодира на Android и iOS бесплатно.
