На насловната страна на новото издание на германскиот магазин „Шпигел“ се наоѓа цртеж со среден прст на кој се наоѓа лик кој потсетуа на американскиот претседател Доналд Трамп. Насловот е: „Збогум Европо“.
Насловот на уредничкиот текст кој се наоѓа внатре во весникот е: „Време е Европа да се придружи на отпорот“. Во текстот се наведува дека Трамп е „успешен само во уништување“ посочувајќи на неговото соопштение за повлекување од нуклеарниот договор со Иран и од договорот за климатските промени.
Контроверзната насловна страна следува непосредно по изјавата на германската канцеларка Ангела Меркел дека Европа повеќе не може да смета на САД и оти мора да ги преземе работите во свои раце.
