Единаесет хрватски новинари од вкупно 16 добитници, му ги вратија наградите на Хрватското новинарско здружение, во знак на протест со доделувањето на годинешната награда на новинарката на Нова ТВ, Ивана Петровиќ, објави Ако.
Новинарите кои ги вратија наградите сметаат дека Петровиќ известувала пристрасно, непрофесионално и без почитување на основните новинарски правила за самоубиството на генералот Слободан Праљак, кој испи отров во судницата во Хаг.
Наградите ги вратија: Иван Краљ (три награди), Драго Пилсел, Зинка Бардиќ и Ернест Маринковиќ (по две награди), Борис Павелиќ, Ана Беначиќ, Хрвоје Шимичевиќ, Љубица Летиниќ, Ивица Грчар, Војислав Мажочо и Јерко Бакотин.
