Не остана простор кој не е одбранет од наша страна во случајот „Тенк“, вели Никола Груевски одговарајќи на новинарско прашање зошто не сакаше да даде усна одбрана за набавката на блиндираниот „мерцедес“.
– Ако сѐ оди според правото и законите, ако судиите имаат интегритет и се држат до своите дипломи ова е завршен случај со ослободителна пресуда – рече поранешниот премиер.
Тој потенцира дека во јавноста проструиле информации за некаков договор меѓу судијката Добрила Кацарска, која го води предмет „Тенк“ и е член на Советот во случајот „Поткуп“, и премиерот Зоран Заев за таа да застане на чело на Апелациониот суд или за да стане судијка во тој суд, а за возврат да даде ослободителна пресуда на Заев и осудителна на Груевски. Ако е така, вели тој, може сѐ да се очекува.
