Треба да се покаже почит и разбирање кон овие наши сограѓани, не само денеска туку во текот на целата година, рече градоначалникот на Карпош.
По повод празникот „Св.Трифун“ и Денот на љубовта кој се празнува на меѓународно ниво, градоначалникот на Општина Карпош, Стефан Богоев денеска се дружеше со дел од повозрасните и социјално загрозени лица од Општината.
Примарната цел е да се покаже почит и разбирање кон овие наши сограѓани, не само денеска туку во текот на целата година преку низа проекти и активности, рече Богоев.
Градоначалникот на Карпош ги поздрави присутните карпошани и им ги честиташе двата празника. Тој одговараше и на дел од нивните прашања кои се однесуваа на секојдневието, работата на локалната самоуправа и новите проекти.
