По успешната концертна промоција на новиот албум, што се одржа во петокот во МКЦ, групата „Баклава“ го презентира новото музичко видео за песната „Тиркиз“.
Видеото е изработено од продукцијата на „091“, и режијата е на Јана Мишо. Шминката ја направи Ирена Сенокозлиоска. Музиката е на Елена Христова, а текстот – Сибо.
Музичари: Елена Баклава – вокали, Дејан Теодосиевски – виолон-чело, Драган Стојковски – бас гитара, Игор Стевковски – тапани, Џенгиз Ибраим – канон, Петар Христов – кларинет, Трајче Ристов – тарабука.
Тиркизната боја го доби своето видео. Инспирана од играта на зборови на името на драгиот камен што воедно е и симбол на турската естетика, се доловуваат убавините од Истанбул до прекрасното крајбрежје на југот.
Стиховите се претежно на македонски јазик, но тука и таму има и понекоја строфа и на турски…
Описно овој колоритен албум е создаван на концептот на бои. Секоја песна е посветена на конкретна боја, претставена преку музиката и стиховите. Сликата што ќе ја добиете слушајќи ги, е токму она расположение што ви ја предзвикува некоја од 13-те бои од албумот.
Следуваат настапи за промоција на новиот звук на „Баклава“. Најпрво промоцијата на крајот на март на винилното и ЦД издание кое е издадено од Берин, но е исто така под покровителство на Арс Ламина и во нејзините продавници ќе може да се набави грамофонска плоча и компакт-диск.
„Баклава“, меѓу другото, ќе учествува на овогодинешниот Оффест, во јуни.
