М.Ф.(30) од Скопје и неговата сопатничка Б.А.(28) се тешко повредени во сообраќајка која се случила вчера на магистралниот пат Гостивар – Кичево, во близина на т.н. Мавровска крстосница
Полицијата соопшти дека двајцата се возеле на моторцикл и се судриле со патничко возило „пасат“ со тетовски рагистерски таблици управувано од З.М.(48) од с.Мала Речица.
Повредените со возило на Итна медицинска помош биле пренесени во гостиварската болница, но потоа биле препратени во Комплексот клиники „Мајка Тереза“ во Скопје.
Извршен бил увид на местото на настанот и се работи на расчистување на случајот.
