Убеден сум дека за иднината на нашата заедничка татковина ова, вакво заробено ВМРО-ДПМНЕ треба да остане политички изолирано како ретрограден политички субјект кој ги блокира и опструира сите најважни внатрешни и надворешни процеси во Северна Македонија, порача лидерот на СДСМ, Зоран Заев по потпишувањето на договорот за коалиција со лидерот на Беса Билал Касами.
Заев повтори дека СДСМ е отворено за соработка со сите партии освен со ВМРО-ДПМНЕ.
– Само така ќе смогнат сили и ќе почнат внатрешно да се реформираат и да се однесуваат како вистинска, конструктивна и демократска опозиција, бидејќи со досегашното однесување тие се опасност и за држават и за граѓаните. Ова го кажувам за да предизвикам реформи во ВМРО-ДПМНЕ веднаш после изборите – рече Заев.
