Најмалку 30 повредени откако автомобил влета во карневалска поворка во Германија

180

Најмалку 30 лица се повредени денеска кога автомобил влетал во карневалската поворка во градот Фолксмарсен, во западниот дел на Германија, соопшти полицијата, додавајќи дека возачот е уапсен.

Индиентот се случил во 14:30 часот по локалано време.

Полицијата одби да каже дали возачот намерно влетал во толпата луѓе или станува збор за несреќен случај, јавија британските медиуми.

Германските медиуми, пак, објавија дека меѓу повредените има и деца и цитираат сведоци кои тврдат дека возачот намерно влетал со автомобилот во толпата, па дури и дека забрзал пред да удри во неа.

Франфуртер Алгемајне цајтунг јавува дека сребрениот „Мерцедес“ се запрел дури 30 метри по моментот на влетувањето меѓу луѓето.

По инцидентот, карнервалот бил откажан, а според локалната телевизија „Хесеншау“, возачот на автомобилот е 29-годишен германски државјанин.

ТВ Хесеншау објави дека полицијата сè уште нема информации за тоа кој бил мотивот на возачот, но истакна дека најверојатно намерно влетал со автомобилот во поворката.

Фото: МИА

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...