Партијата на нејзината страница има поставено жиро-сметка и секој граѓанин во оваа држава којшто цени, или некој друг кој цени дека треба да го поддржи ВМРО-ДПМНЕ, е добредојден да финансира, одговори Христијан Мицкоски, лидерот на ВМРО-ДПМНЕ на новинарско прашање дали би прифатил донација од Мијалков или Камчев.
– Апсолутно, секој граѓанин на оваа држава, Зоран Заев, Орце Камчев, Сашо Мијалков, Никола Груевски, еве вие на пример, којшто цени дека сака да помогне, е добредојден – додаде Мицкоски.
Тој истакна дека претстојната предизборна кампања ќе ја финансираат од членарина, донации и комерцијален кредит. Тој додаде дека партиското раководство ќе го изменаџира долгот од 8 милиони евра, иако државата го замрзнала партискиот имот и нема да ги префрли буџетските средства пред изборите на 12 април.
