Утре, 25. февруари, ќе биде ден на жалост на територијата на општина Куманово. Ќе бидат прекинати сите културни активности и манифестации во оваа општина, а знамињата ќе се спуштат на половина копје.
За почит кон настраданите од експлозијата на плинска боца во куќа во селото Романовце, членовите на Советот, на предлог на градоначалникот, одржаа минута молчење.
Во семејната куќа во Романовце, од пожарот по експлозијата на плинската боца починаа четири лица, од кои три деца на возраст од осум, девет и единаесет години.
