Планинари од Струмица, Радовиш Валандово, Гевгелија и Штип тргнаа пеш за Скопје за да му оддадат почит на својот сограѓанин и претседател Борис Трајковски кој загина во авионска несреќа кај Мостар.
Во наредните четири дена тие ќе пешачат 200 километри за да стигнат на 26-ти февруари на неговото почивалиште во Бутел.
Станува збор за традиционален планинарски марш кој го организира планинарското друштво „Ентузијаст“ од Струмица со цел да не се заборави ликот и делото на Трајковски.
Паралелно организираат и искачување на врвот Ботра на планината Беласица.
Организаторите и планинарите се надеваат дека во иднина на овој ќе се приклучат и млади лица за да не се заборови ликот и делото на Трајковски.
